|
| ||||
|
اشــفوني اليـــوم كثرة هواجــسي مـدري كبــر ولا دنـــياي مقـلوبه من كثر ما شوف أمور بلا قـيسي حتى الماء تغير طعمه ومشروبه يا فـكر هــون لا تغــير أحاسيسي خــل التفاكير ماحـد نــال مطلوبه اســـــتغفر الله وادحــــر إبلـيسي بالخـير فكــر وأكـــثر مــن التوبه اسرح مع الدينا إلا هــبة نسانيسي وللمرجله يمم وخلك على أدروبه افــــرح كما فــــرح المـــعاريسي وفي العج النفس مـهيب مغصوبه والراحـــة النفس سج الخميسي بــــروض عشيب ينعـــش هـبوبه بخــــوة نشـامى ما فيهم عميــسي نفــس خـفيفة وممشى بليا لغــوبه أنا احـــمد الله إن عــــلى كيــــسي و إلا العلاقات كثير بــس مكذوبه وأنا احــــمد الله أني ما ني حبيسي اخـذ وكـل أمــر أعطــيه ما جوبه اذكر أبو سلمان إلا حمي الوطيسي يشــفيك وكم واحــد فــك منشوبه كــم واحـد لا راح ما لــه حسيسي وفي شــوفته يعجـبك لبــسه لثوبه يغــــرك بحكــــيه في المجـاليسي وأدنات خـرباش تصافق أجــنوبه زيـــن السوالف مـع أكل الحميسي ويا قلها يـوم يا تى للفعل ما جوبه يا كثر بهالوقــــت أهل الدنافــيسي وقتــهم ضـايع والهــرج يتغــنوبه تجمعهم الوجـبة و فرســـن التيسي ما يكــفي الرز يبون شـي يتلهوبه مسراحهم يم الفول و خبز التميسي المعرفة عندهم كل مطعم يمروبه كـل علـى لـيلاه يغــني مراويـسي يرفـــع مكـانــه ويخــفي عــيـوبه عبدالعزيزبنصحك لا ترافق الهيسي نقــال للــزلة ويحــكيها بطــروبه ابـعــد عـــن اللي بطبـعه خســيسي لا تأمنه يشرك في بعـض ملعوبه لا تشغل النفـــس بهــرج المفاليـسي يشغلك إن حطـيت دوبـك أبـدوبه رفيقك الصادق وفي هرجـه ونيسي سمح الطـبوع وشــفاف بأسلـوبه لحـاجــتك ملـــبي ويا تـي قبابــيسي ياصلك عجـل قبل ياصلك مندوبه الله يا رب لا تلهــــيني بالمطاريسي أسالك شـغل احصل منه المـثوبه الله أنا طالبك تسـهل كل العواكيسي وتيسر المقسوم ونرضي بمكتوبه الله أنا طالبك تبعد عني الحواسيسي وتثقــل المــيزان وتسـتر الحـوبه الله أنا طالبك تفكني شـر المناجيسي وتحســن لعــبدك وتغــفر ذنــوبه | ||||
|
