|
| ||||
|
هيضـــت قافي ياللــي تنشــد عن الجـدود وكــم هــو عددها لآنـي بتبــاع لعلـــوم تــــردد همـي آخـرة عــند الله وعـدها شـــفت العــرب بتقول وتــعد ولأجـــدادي ماضــي يمجـدها السلمان أصلي ولعـــزه مسند بمــهامل نجـد منازله مشـيدها لنا الفخــر كـله بجـدي محـمد كـــم ناس بوقتــه محد حمـدها كــل يتمــني مثلـه إن لـه جــد المرجــله جـاته حــيثه نشدها مع الموحــد له فعــول تعـــدد بعياله مجـاهد وذلــول بعـددها لمــرتين الجيش أسقاه والجند وقــدم سمينها بترحـيبة أكـدها قبل الســعودي قصـره مشــيد وسط الوحوش وكواسرهددها ما صــك بابه عن وفود تورد يسـقي ويطعم ويكــابد زهـدها جمـــوع تضـيف ومالهم حــد لا همـه كمهــم ويقـهـر نكــدها طــلابة الأرزاق عنـده تــردد صـبيان تعمـل ويافي بجـهدها من قاصــره شاف فيه التـودد بلـــين جــانب ومنزلة وجـدها الخاملة عنــده تــري لها ضـد ياقفلها ولايخشى تالي ضددها سـكن مطــــرف ما رده البعـد يوم الناس تخاف داخـل بلدها بعزته ما عاش تحت كنف حد والقـوم حوله ما تمشي وحدها مــزارع ومــاله جــاه بالكــــد يرجـو الله لا بذرها يحصـدها صاحب بصيره مع همــة اليـد وسع مناحـيها وأدرك سـعدها ما حصله قدمه ولا ينتظر غـد محـط بالبنك أمــوال يــوردها بعزيمته عاش بصـحاري نجد كل يعــرفه والنــاس تشــهدها عــروي لفعــله تقول وتشـــهد ضــمن الجماعة فكوا هجــدها ديرته حفرها وبناها ثم انشــد قصـايد قالها بإعجاب نشــدها لهل الحلال حطها جوابي وعد ليروي ضماه المسـافر قصدها وأبوي بعــده وقـف لطالبها ند أفتكـها مـن كل طـامع يهددها حــماها وجـــالها كــما الســـد وحنا لفقده كما فـقد الأم ألولدها لجـــدي محــمد جـــــد يمـــجد أملاكه بالرويضـة باقي تجدها من أول مــن نزلها ويمها شــد ســكنها بقوت يصـعب مكابدها لجدي وأبوي أفعال تنقال وتنعد بين الناس تحكي ومحد جحدها ذكـرهم يرفع الـرأس ولا ينقــد روس الرجـال مثلهم كـل فقـدها هذا هــو أصـــلي ياللـــي تنـشد عــن الجــدود وكــم هو عددها هــذا جــواب القــــول والـــــعد ولأجـــدادي ماضـــي يمــجدها لا نـي معـــدل علـــــوم تـــردد الهـــم باخــــرة عند الله وعـدها بالعـز ابشــر يا من لربك تعـبد بغيره لا تفتخر وأن كنت سيدها كــل الشـــرف للي لربه موحد لأمـره مطيع وصــلاته سجـدها يا رب أحفــظ لنا الإسلام وتمـد بعمر اللي على الإسلام وحدها وبخـتم بذكـــر الله ولـه الحمد وصلاة على النبي ترفع مـرددها | ||||
|
